“இந்தியாவில் 67.1 % கைத்தறி நெசவாளர்களுக்கு மாதம் 5000 ரூபாய்க்கும் குறைவான வருமானம் கிடைக்கிறது”

விழுப்புரம் நாடாளுமன்ற உறுப்பினர் ரவிக்குமார் எழுப்பிய கேள்விக்கு ஜவுளித்துறை இணை அமைச்சர் அளித்த பதிலில் அதிர்ச்சி தகவல் :

* கைத்தறி நெசவாளர்கள் வெளிச்சந்தையில் தங்களது கச்சாப் பொருட்களை வாங்குகிற காரணத்தால் அவர்களுக்குச் சொற்ப அளவில்தான் லாபம் கிடைக்கிறது என்பது அரசுக்குத் தெரியுமா? அவ்வாறு தெரியுமெனில் நெசவாளர்களுக்குத் தேவையான கச்சாப் பொருட்கள் அனைத்தையும் கூட்டுறவு சங்கங்கள் மூலமாக வழங்குவதற்கு அரசு நடவடிக்கை எடுக்குமா?

* கைத்தறி நெசவாளர்கள் உற்பத்தி செய்யும் துணியின் அளவு அதிகரித்தாலும் அவர்களுடைய வருமானம் குறைந்து வருவது அரசுக்குத் தெரியுமா ? அவ்வாறு தெரியுமெனில் அதைத் தடுப்பதற்கு அரசு எடுத்துள்ள நடவடிக்கைகள் என்ன?

* இந்தியாவில் தயாரிக்கப்படும் கைத்தறித் துணிகளை அயல்நாடுகளுக்கு அதிக அளவில் ஏற்றுமதி செய்வதற்கு இந்திய அரசு எடுத்துள்ள நடவடிக்கைகள் என்ன? என ரவிக்குமார் எம்.பி கேள்வி எழுப்பியிருந்தார்.

இந்தக் கேள்விகளுக்கு ஜவுளித்துறை இணை அமைச்சர் திருமதி தர்ஷனா ஜர்தோஷ் அளித்துள்ள எழுத்துப் பூர்வமான பதிலில் பின்வருமாறு தெரிவிக்கப்பட்டுள்ளது:

“மில் கேட் விலையில் அனைத்து வகையான நூல்களையும் கிடைக்க தேசிய கைத்தறி மேம்பாட்டுக் கழகம் மூலம் நாடு முழுவதும் நூல் வழங்கல் திட்டம் (ஒய்.எஸ்.எஸ்) செயல்படுத்தப்படுகிறது. அந்தத் திட்டத்தின் கீழ், அனைத்து வகையான நூல்களுக்கும் சரக்கு கட்டணங்கள் நெசவாளர்களுக்குத் திருப்பிச் செலுத்தப்படுகின்றன. 10% விலை மானியமும் ஹாங்க் நூலுக்கு தரப்படுகிறது. இது பருத்தி, உள்நாட்டு பட்டு, கம்பளி மற்றும் கைத்தறி நூல் ஆகியவற்றிற்கும் அளவு வரம்புடன் வழங்கப்படுகிறது.

நூல் வழங்கல் திட்டத்தைச் செயல்படுத்துவது குறித்த 3ஆவது தரப்பு மதிப்பீட்டு ஆய்வின்படி :

i ஒய்.எஸ்.எஸ் ஒரு வெற்றிகரமான திட்டமாக ஒப்புக் கொள்ளப்பட்டுள்ளது. இது ஒட்டுமொத்த கைத்தறி உற்பத்தியையும் அதிகரிக்க உதவியது.

 ii. நல்ல தரமான மூலப்பொருள் மற்றும் போக்குவரத்து மானியங்களின் குறைக்கப்பட்ட செலவு நெசவாளர்கள் தங்கள் உற்பத்தியை ஒரு போட்டி விலையில் விற்க பெருமளவில் உதவியது, எனவே அவர்களின் நிகர வருமானத்தை அதிகரிக்கவும் ஒழுங்குபடுத்தவும் அது உதவியது.

 iii. இந்தத் திட்டம் கைத்தறி வர்த்தகத்தில் ஈடுபடுவதில் மிகவும் உதவியாக இருந்த டிப்போக்கள் மூலம் திறந்த சந்தையைவிடக் குறைந்த விலையில் நல்ல தரமான நூலை நெசவாளர்களின் வீட்டுக்கே சென்று வழங்குகிறது.

 (இ) & (ஈ): 3ஆவது கைத்தறி நெசவாளர் கணக்கெடுப்பின்படி (2009-10), கைத்தறி நெசவாளர் குடும்பங்களின் சராசரி வருவாய் ரூ. ஆண்டுக்கு 36498 (அதாவது மாதத்திற்கு ரூ .3042). மேலும், நெசவாளர் குடும்பங்களில் 99% மாதத்திற்கு ரூ .5000 க்கும் குறைவாக சம்பாதித்ததாக மதிப்பிடப்பட்டுள்ளது. இந்த விகிதம் 4ஆவது கைத்தறி நெசவாளர் கணக்கெடுப்பில் (2019-20) 67.1% ஆக உள்ளது.

கைத்தறி துறையை மேம்படுத்துவதற்காக, கைத்தறி மேம்பாட்டு ஆணையர், ஜவுளி அமைச்சகம், நாடு முழுவதும் பின்வரும் திட்டங்களைச் செயல்படுத்தி வருகிறது: -

1) தேசிய கைத்தறி மேம்பாட்டு திட்டம் (என்.எச்.டி.பி)

2) விரிவான கைத்தறி கிளஸ்டர் மேம்பாட்டுத் திட்டம் (சி.எச்.சி.டி.எஸ்)

3) கைத்தறி நெசவாளர்களின் விரிவான நலத்திட்டம் (HWCWS)

4) நூல் வழங்கல் திட்டம் (ஒய்.எஸ்.எஸ்)

முதலான திட்டங்களின் கீழ், மூலப்பொருட்கள், தறிகள் மற்றும் உதிரி பாகங்கள் வாங்குவது, வடிவமைப்பு கண்டுபிடிப்பு, தயாரிப்பு பல்வகைப்படுத்தல், உள்கட்டமைப்பு மேம்பாடு, திறன் மேம்பாடு, லைட்டிங் யூனிட்டுகள், கைத்தறி பொருட்களின் விற்பனை மற்றும் சலுகை விகிதத்தில் கடன் ஆகியவற்றிற்கு நிதி உதவி வழங்கப்படுகிறது.

 (இ): சர்வதேச சந்தைகளில் கைத்தறி தயாரிப்புகளைப் பிரபலப்படுத்த, கைத்தறி ஏற்றுமதி மேம்பாட்டு கவுன்சில் (ஹெச்இபிசி) சர்வதேச கண்காட்சிகளை நடத்தியது. 2020-21 காலப்பகுதியில், ஹெச்இபிசி 12 சர்வதேச கண்காட்சிகளை மெய்நிகர் பயன்முறையில் ஏற்பாடு செய்துள்ளது.”

இவ்வாறு அமைச்சர் கூறியுள்ளார்.

மூன்றாவது கணக்கெடுப்புக் காலத்தில் (2009-10) மாதம் 5000/- ரூபாய்க்கு கீழே வருமானம் ஈட்டியவர்களின் எண்ணிக்கை 99% இருந்ததாகவும், அது 2019-20 காலகட்டத்தில் 67.1% ஆகக் குறைந்துவிட்டதாகவும் அமைச்சர் பெருமைபட்டுக் கொண்டுள்ளார். அதற்குக் காரணம் இந்த 10 ஆண்டுகளில் ரூபாயின் மதிப்புக் குறைந்ததே ஆகும்.